Rayon Sport nyuma yo gutsinda Amagaju iyoboye urutonde rwa shampiyona

Bigoranye ikipe ya Rayon Sports yikuye I Nyagisenyi nyuma yo gutsinda Amagaju FC ibitego 2-1 ibitego bya Da Silva na Mudeyi.

Amagaju FC yakiriye uyu mukino asabwa gutsinda kugira ngo yizere ko ashobora kubona amanota 12 mu mikino ine yari isigaye. Rayon Sports yaje gukina uyu mukino idafite Rutanga Eric na Sarpong Michael bombi bafite amakarita atatu y’umuhondo.

Rayon Sports yihariye umupira mu minota ibanza, yafunguye amazamu ku munota wa 14 w’umukino ku gitego cyatsinzwe n’umunya-Brésil Raphael Da Silva wafunguye konteri y’ibitego muri Rayon Sports nyuma yo kugera muri iyi kipe mu Ukuboza. Iyi kipe yakoze impinduka hakiri kare, Niyonzima Olivier Sefu wavunitse agasimburwa na Donkor Prosper, yashoboraga gutsinda ikindi gitego ariko igasanga ba myugariro b’Amagaju FC bahagaze neza.

Igice cya kabiri cyatangiranye impinduka zikomeye mu mukino, Uko Ndubuise Emmanuel yishyurira Amagaju FC nyuma y’uko Manzi Thierry yari agaruye umupira usanga uyu munya-Cameroun wacenze Mutsinzi Ange, ahita atera ishoti rikomeye mu izamu.

Amagaju FC yakiriye uyu mukino asabwa gutsinda kugira ngo yizere ko ashobora kubona amanota 12 mu mikino ine yari isigaye. Rayon Sports yaje gukina uyu mukino idafite Rutanga Eric na Sarpong Michael bombi bafite amakarita atatu y’umuhondo.

Rayon Sports yihariye umupira mu minota ibanza, yafunguye amazamu ku munota wa 14 w’umukino ku gitego cyatsinzwe n’umunya-Brésil Raphael Da Silva wafunguye konteri y’ibitego muri Rayon Sports nyuma yo kugera muri iyi kipe mu Ukuboza. Iyi kipe yakoze impinduka hakiri kare, Niyonzima Olivier Sefu wavunitse agasimburwa na Donkor Prosper, yashoboraga gutsinda ikindi gitego ariko igasanga ba myugariro b’Amagaju FC bahagaze neza.

Gutsinda uyu mukino byafashije Rayon Sports gusubira ku mwanya wa mbere n’amanota 63, irusha APR FC ya kabiri inota rimwe mu gihe hasigaye imikino itatu gusa ngo shampiyona irangire. Amagaju FC yo yahise amanuka mu cyiciro cya kabiri kuko kugeza ubu afite amanota 17, aho arushwa amanota 10 na Gicumbi FC ya 14 mu gihe hasigaye imikino itatu y’amanota icyenda.

Dore uko imikino y’umunsi wa 27 yarangiye:

Gicumbi FC 1-3 APR FC

AS Kigali 2-1 AS Muhanga

Kirehe FC 2-1 Mukura VS

SC Kiyovu 3-0 Espoir FC

Musanze FC 2-1 Sunrise FC

Bugesera FC 1-3 Police FC

Amagaju FC 1-2 Rayon Sports FC

Leave a Reply

Your email address will not be published. Required fields are marked *