Peace Cup 2019: As Kigali yatomboye Rayon Sport mu mikino y’ijonjora ry’ibanze

Igikombe cy’Amahoro cy’uyu mwaka mu bagabo, kizitabirwa n’amakipe 20 arimo 12 yo mu cyiciro cya mbere kuko ari yo yabashije kwiyandikisha mu gihe cyagenwe.

Iyi tombola yabereye ku cyicaro cya FERWAFA i Remera, yasize umukino ukomeye muri iyi mikino y’ijonjora uzahuza AS Kigali na Rayon Sports. Ikipe y’umujyi wa Kigali yari yagarukiye muri 1/8 mu mwaka ushize mu gihe Rayon Sports yageze ku mukino wa nyuma, itsindwa na Mukura Victory Sports.

Uko tombora yagenze

Tariki ya 4 Kamena 2019

  • Hope FC vs Gasogi United
  • AS Kigali vs Rayon Sports
  • Mukura VS vs Unity Sports Club
  • Interforce FC vs Intare FC
  • Sunrise FC vs Espoir FC

Tariki ya 5 Kamena 2019

  • Gicumbi FC vs Police FC
  • Vision FC vs Bugesera FC
  • APR FC vs Rwamagana FC
  • Etoile de l’Est vs Kiyovu Sports
  • Marines FC vs Etincelles FC

Ku nshuro ya mbere habaye tombola y’iki gikombe mu Rwanda, yayobowe na Kamanzi Karim wakiniye Amavubi muri CAN 2004 ndetse na Nshimyiimana Eric wabaye umukinnyi ukomeye akaba n’umutoza w’amakipe atandukanye mu Rwanda kimwe na Kayishakire Hadidja ushinzwe umupira w’abagore muri FERWAFA.

Umuyobozi ushinzwe iterambere ry’umupira w’amaguru mu Ishyirahamwe ry’Umupira w’Amaguru mu Rwanda, FERWAFA, Nshimiyimana Alexis Redemptus yavuze ko iyi ari intangiriro mu marushanwa yo mu Rwanda, aho byose bizajya bikorwa mu mucyo, amakipe agatomborana buri wese ahibereye.

Leave a Reply

Your email address will not be published. Required fields are marked *