Kalim Mackenzie yasinyiye Vipers SC yo muri Uganda

Myugariro w’Umurundi ukina ku ruhande rw’iburyo, Nizigiyimana Karim Makenzi, umaze amezi abiri nta kipe afite nyuma yo gutandukana na Gor Mahia FC, yateye umugongo AS Kigali yamushakaga asinyira Vipers SC yo muri Uganda.

Nizigiyimana umaze imyaka 12 mu ikipe y’igihugu y’Abarundi, yabaye mu ikipe ya Vital’O (2006) mbere yo kuza muri APR FC (2008-2009).

Nizigiyimana yavuye muri APR FC agana muri Kiyovu Sport (2009-2010) aho yavuye akajya muri AS Vita Club (2010) mbere yuko kandi agaruka muri Vital’O (2010-2011).

Mu 2011 Nizigiyimana yagarutse mu Rwanda akina mu ikipe ya Rayon Sports kugeza mu 2015 ubwo yahitaga ajya muri Gormahia FC muri Kenya akaba yaratandukanye nayo mu mpera za 2018.

Leave a Reply

Your email address will not be published. Required fields are marked *