Iragire Saidi yasinye muri Rayon Sports kuri miliyoni 8,000,000 FRW

Iragire Saidi wari umukinnyi mu mutima w’ubwugarizi muri Mukura Victory Sport i Huye, yasinye amasezerano y’imyaka ibiri muri Rayon Sports aho yahawe miliyoni umunani z’amafaranga y’u Rwanda (8,000,000 FRW).

Miliyoni umunani z’amafaranga y’u Rwanda (8,000,000 FRW) ni amafaranga yo kumwinjiza mu ikipe (Recruitmet Fees) mu gihe azajya ahembwa ibihumbi 600 by’amafaranga y’u Rwanda (600,000 FRW) nk’umushahara wa buri kwezi.

Kuri uyu wa Kane tariki ya 6 Kamena 2019, ikipe ya Mukura VS yemeje ko yamaze gutandukana na Iragire Saidi wahise azamuka mu mujyi wa Kigali agasinya muri Rayon Sports ku gica munsi cy’uyu wa Kane.

Iragire Saidi yageze muri Mukura VS mu 2017 akinamo imyaka ibiri (2017-2019) ubwo yari avuye muri Muzinga FC mu Burundi.

Mihigo Saddam /Inyarwanda.com


Leave a Reply

Your email address will not be published. Required fields are marked *