APR FC yatsinzwe na AS Muhanga y’abakinnyi 10 bishyira igikombe mu maboko ya Rayon Sports

Ikipe ya APR FC iri mu rugamba rwo kurwanira igikombe cya shampiyoana na Rayon Sports, yatsinzwe na AS Muhanga ibitego 2-1 mu mukino w’umunsi wa 28 wa shampiyona waberaga i Muhanga.

AS Muhanga yari mu rugo yafunguye amazamu ku munota wa 18’ w’umukino bungamo ikindi ku munota wa 49’, ibitego byose byatsinzwe na Bizimana Yannick. Bizimana Yannick yahise agira ibitego 13.

AS Muhanga basoje umukino ari abakinnyi icumi (10) kuko mu gice cya mbere, Nizigiyimana Junior yahawe ikarita itukura azira ikosa yakoreye kuri Ally Niyonzima hagati mu kibuga.

Igitego rukumbi cya APR FC cyatsinzwe na Mugunga Yves ku munota wa 64’ nyuma yo kwinjira asimbuye Byiringiro Lague. Issa Bigirimana yasimbuye Nshuti Innocent naho Itangishaka Blaise asimbura Ally Niyonzima.

APR FC iraguma ku mwanya wa kabiri n’amanota 62 mu gihe Rayon Sports iyirusha amanota ane (4) mu mikino 28 kuko ifite amanota 62.

AS Muhanga: Munyaneza Jacques (GK,25), Hakundukize Adolphe (C,8), Dieudonne Ndayishimiye 5, Kagaba Obed 15, Eriasa Rucogoza 4, Fabien Twagirayezu 14, Junior Nizigiyimana 17, Ruboneza Jean Bosco 6, Lulihoshi Jean Bosco 6 na Bizimana Yannick 10.

APR FC XI: Kimenyi Yves (GK,21), Rusheshangoga Michel 22, Imanishimwe Emmanuel 24, Rugwiro Herve 4, Buregeya Prince Caldo 18, Mugiraneza JBM (C,7), Niyonzima Ally 28, Hakimana Muhadjili 10, Byiringiro Lague 14, Nshuti Dominique Savio 27 na Nshuti Innocent 15.

Mihigo Saddam/ Inyarwanda.com

Leave a Reply

Your email address will not be published. Required fields are marked *